Милек салымнарын вакытында түләгез

2023 елның 1 декабрендә физик затларның 2022 елгы мөлкәтенә салым түләү вакыты тәмамлана. Милекләрендә фатирлары, йортлары, төзелмәгән җир кишәрлекләре һәм транспорт чаралары булган гражданнар милек салымнары түләргә тиеш.

Әгәр салым түләүче салымнарны вакытында түләмәсә, икенче көннән, ягъни 2023 елның 2 декабреннән, ул бурычлы була. Шуңа күрә Россия Федераль салым хезмәтенең Татарстан Республикасы буенча идарәсе республика халкына салымнар түләү буенча конституциячел йөкләмәләрен үтәргә киңәш итә.

Һәр ел саен милек салымнарын вакытында түләп, гражданнар ил үсешенә үз өлешләрен кертәләр. Түләнгән салымнар ярдәмендә яңа хастаханәләр төзелә, балалар бакчалары ачыла, мәктәпләрнең заманча җиһазлары сатып алына, юллар төзелә һәм башка күп кенә социаль ихтыяҗлар тәэмин ителә.

Шуңа күрә салымнарны вакытында түләргә кирәк, бигрәк тә салым хезмәте моның өчен максималь уңайлы шартлар тудыра. Салым түләүчеләр белән аралашуны гадиләштерү электрон сервислар хисабына ирешелә, алар салым органнары белән өйдән чыкмыйча аралашырга гына түгел, ә салымнар түләргә дә мөмкинлек бирә. Аларның иң популяры – «физик затлар өчен салым түләүченең шәхси кабинеты». Сервиста милек хокукларында булган күчемсез милек объектлары һәм теркәлгән транспорт чаралары турында актуаль мәгълүмат алырга, электрон рәвештә салым хәбәрен алырга, исәп-хисаплар белән танышырга һәм салымнар түләүне гамәлгә ашырырга мөмкин.