Күчемсез милек объекты характеристикалары турындагы декларация

    «Дәүләт кадастр бәясе турында» 2016 елның 3 июлендә кабул ителгән 237 номерлы Федераль законның 12 нче маддәсе нигезендә, кадастр бәясен билгеләү өчен кирәк булган мәгълүматны җыю һәм эшкәртү максатыннан, күчемсез милек ияләре бюджет учреждениесенә күчемсез милек объектларының характеристикалары турында декларация бирергә хокуклы.

    Мөрәҗәгатьләрне карау түләүсез башкарыла.

Мөрәҗәгатьне бирү билгеләнгән тәртиптә башкарыла:

• «Дәүләт кадастр бәясе турында» 2016 елның 3 нче июлендә кабул ителгән 237 номерлы Федераль законның 3,4 пунктларында, 14 нче маддәнең 17 нче пунктында һәм 21 нче маддәнең 10 нчы пунктлары нигезендә;
• 2009 елның 4 июнендә кабул ителгән Россия Федерациясе Икътисади үсеш министрлыгының «Күчемсез милек объекты характеристикалары, шул исәптән аның формалары турындагы декларацияне карау тәртибен раслау турында»гы боерыгы.

Мөрәҗәгать итү хокукына ия затлар:

    Мөрәҗәгать итүчеләр булып күчемсез милек объектларына ия яки милеккә хокукый вәкаләтләргә ия булган юридик һәм физик затлар.

Мөрәҗәгатькә карата таләпләр::

    Милек иясе мөрәҗәгате турында:

• күчемсез милек объектының характеристикаларын исәпкә алып, билгеләнгән форма буенча декларация тапшыру;
• декларацияләрдә күрсәтелгән, шул исәптән декларация характеристикаларының әһәмиятен (тасвирламаларын) раслаучы документлар;
• милеккә хокукы булган зат шәхесен таныклаучы документ;
• законда каралган тәртиптә расланган, күчемсез милек объектына хокукы булуын раслаучы документлар күчермәләре.

 Милеккә хокукы булган затның ышанычлы вәкиле мөрәҗәгать иткән очракта:

• билгеләнгән форма буенча күчемсез милек объектының характеристикалары турында бирелгән декларация;
• декларацияләрдә күрсәтелгән, шул исәптән декларацияләнүче характеристикаларның әһәмиятен (тасвирламаларын) раслаучы документлар;
• милеккә хокукы булган затның вәкаләтле вәкиленең шәхесен таныклаучы документ;
• милеккә хокукы булган затның вәкаләтле вәкиленең вәкаләтләрен закон буенча раслый торган документ;
• законда каралган тәртиптә күчемсез милек объектына хокукы булуын раслаучы документлар күчермәләре;

Декларациягә кертелергә мөмкин булган документлар:

• күчемсез милек объектына техник паспорт;
• күчемсез милек объектына техник план;
• җир кишәрлеген межалау планы;
• күчемсез милек турында Бердәм дәүләт реестрыннан өземтә;
• күчемсез милек объектын файдалануга тапшыру акты;
• декларациядә күрсәтелгән характеристикаларның әһәмиятен раслаучы башка документлар.

Декларация формасына һәм рәсмиләштерүгә карата таләпләр:

• кәгазьдзге һәр бит гариза бирүче яисә аның вәкиле тарафыннан имзаланган булырга тиеш;
• электрон документ рәвешендә кабул ителсә гариза, гариза бирүченең яки аның вәкиленең электрон имзасы белән имзаланган булырга тиеш.

    Күчемсез милек объектының характеристикалары турында декларация формасы (.docx) яки (.pdf) форматта кабул ителә.

Декларацияне тутыру буенча тәкъдимнәр:

   Күчемсез милек объектының характеристикалары турында Декларация рус телендә кәгазьдә тутырыла, сүзләрне аңлаешлы һәм кыскартуларсыз, аббревиатураларсыз,  төзәтмәләрсез, кулдан,  зәңгәр яки кара пасталы ручка белән язу сорала. Шулай ук техник чаралардан файдаланып яки электрон документ формасында бирергә дә мөмкин.

Декларация 4 бүлектән тора:

1 нче бүлек – «Күчемсез милек объекты һәм гариза бирүче (мөрәҗәгать итүче вәкил) турында гомуми мәгълүмат»

2 нче бүлек – «Күчемсез милек объекты характеристикалары (җир кишәрлеге өчен)»

3 нче бүлек – «Күчемсез милек объекты  характеристикалары (төгәлләнмәгән төзелеш объектлары, биналар, машина кую урыннары)»

4 нче бүлек – «Декларация белән бергә бирелә торган документлар реестры»

Мөрәҗәгать итүче (мөрәҗәгать итүче вәкиле) күчемсез милек объектының характеристикалары турында мәгълүмат җиткерү һәм күчемсез милек объектының базар бәясен билгеләү турында хисап бирү максатыннан, бер үк вакытта декларация дә бирә ала. Декларацияне тапшыруның максаты мөрәҗәгать итүче (мөрәҗәгать итүче вәкиле) тарафыннан декларациянең 1 бүлегендәге 4 пунктында махсус графада «✓» тамгасын кую белән ризалык бирелә.

Мөрәҗәгать итүче (мөрәҗәгать итүче вәкиле) күчемсез милек объекты характеристикаларын декларацияли икән, күчемсез милек объекты төренә карап, декларациянең 2 яки 3 бүлекләре тутырыла. 1 бүлек һәм 4 бүлек мәҗбүри тутырылырга тиеш.

Мөрәҗәгать итүче (мөрәҗәгать итүче вәкиле) күчемсез милек объектының базар бәясен билгеләү турында хисап тапшырса, мондый хисап турында мәгълүмат декларациянең 4 бүлегендә декларацияләнә. 1 кисәк мәҗбүри тутырылырга тиеш. Бу очракта декларациянең 2 һәм 3 бүлекләре тутырылмый.

Декларациянең 2 һәм 3 бүлегендә күрсәтелә торган күчемсез милек объектының бирелгән характеристикаларын раслау өчен, декларацияләнә торган характеристиканың әһәмиятен (тасвирламасын) раслый торган документның тәртип номеры 4 бүлек нигезендә күрсәтелә. Әгәр саннар, тасвирламалар гариза бирүче (мөрәҗәгать итүче вәкиле) тарафыннан бирелсә, алар мәҗбүри күрсәтелергә тиеш. Шулай итеп, декларацияләнә торган характеристикаларны үз эченә алган 2 һәм 3 бүлекләрнең һәр юлында декларацияләнә торган характеристиканы раслый торган документның тәртип номеры 4 бүлек нигезендә күрсәтелергә тиеш.

4 бүлектә декларация белән бергә бирелә торган документлар (мондый документлар: хатлар, белешмәләр, өземтәләр, паспортлар, актлар, карарлар һәм башка дәүләт хакимияте органнары һәм җирле үзидарә органнары, эксперт, идарә органнары тарафыннан бирелгән теләсә нинди документлар күрсәтелергә мөмкин) күрсәтелә.

Мөрәҗәгатьне бирү һәм карау ысуллары:

Мөрәҗәгать итүчеләргә мөрәҗәгать итү шартлары:

• Татарстан Республикасы территориясендә урнашкан «Татарстан Республикасында Дәүләт һәм муниципаль хезмәтләр күрсәтүнең күпфункцияле үзәге» ДБУ (алга таба – «КФҮ» ДБУ) филиаллары;
• Учреждениенең адресына почта аша җибәрергә мөмкин (420021, Казан шәһәре, Париж Коммунасы ур., 8 йорт);
• Учреждениенең электрон почтасына җибәрергә мөмкин Gbu.Cgko@tatar.ru (мөрәҗәгать электрон имза белән тамгаланган булырга тиеш);
• шәхси кабул итү Казан шәһәре, Париж Коммунасы ур., 8 нче йорт адресы буенча «Татарстан Республикасы БТИ» АҖнең кабул итү зонасында алып барыла.

Мөрәҗәгатьне карау вакыты:

Декларация, бюджет учреждениесендә яки «КФҮ»ДБУга кергән декларацияне теркәгән көннән соң, 50 эш көне эчендә карала.

Декларацияне карау нәтиҗәсе гариза бирүчегә һәм мөрәҗәгать итүче вәкилгә 5 эш көне дәвамында җибәрелә.

Мөрәҗәгатьне карау нәтиҗәләре

    Мөрәҗәгатьне карау нәтиҗәсе булып Декларациядә исәпкә алынган мәгълүмат, шулай ук исәпкә алынмаган мәгълүмат (булган очракта) һәм аның буенча исәпкә алынмауның сәбәпләре аңлатыла.

Гражданнарны кабул итү «ТР БТИ» АҖнең кабул итү зонасында, Казан шәһәре, Париж Коммунасы ур., 8 йорт адресы буенча алып барыла

Соңгы яңарту: 2022 елның 1 марты, 16:26